काठमाडौं : राप्रपाले पार्टीका वरिष्ठ उपाध्यक्ष रवीन्द्र मिश्र र महामन्त्री डाक्टर धवलशमशेर राणालाई २४ घण्टाभित्र रिहा गर्न सरकारलाई अल्टिमेटम दिएको छ।
शनिबार बसेको केन्द्रीय कार्यसम्पादन समितिको बैठकपछि अध्यक्ष राजेन्द्र लिङ्देनले २४ घण्टाभित्र रिहा नगरिए देशभर विरोध कार्यक्रम सञ्चालन गर्दै आन्दोलनलाई तीव्र बनाउने निर्णय गरेको हो ।
राप्रपाले तीनकुनेमा राजावादी प्रदर्शनका क्रममा भएको घटनाको जिम्मेवारी सरकारकै रहेको आरोप लगाएको छ। शुक्रबार तीनकुनेमा भएको प्रदर्शनमा हिंसा भड्काउन भूमिका खेलेको आरोपमा मिश्र, राणा लगायतका नेताहरूलाई प्रहरीले नियन्त्रणमा लिएको छ ।
