काठमाडौं : साफ महिला च्याम्पियनसिप फुटबलको उपाधि भिडन्तमा आज नेपाल र बंगलादेश भिडदै छन् ।
साँझ साँढे ६ बजे त्रिपुरेश्वरस्थित दशरथ रंगशालामा शुरु हुने खेलमा नेपाल उपाधि हत्याउने दाउमा छ । सेमिफाइनलमा भारतलाई पेनाल्टी सुटआउटमा हराउँदै नेपाल फाइनलमा पुगेको हो ।
बंगलादेश भने सेमिफाइनलमा भुटानमाथि सहज जित निकाल्दै फाइनलमा पुगेको हो । यसअघिका ६ मध्ये पाँच संस्करणको फाइनलमा पुगेको नेपालले अहिलेसम्म उपाधि हात पार्न सकेको छैन् । पहिलो चारवटा फाइनलमा भारतसँग हारेको नेपाल अघिल्लो संस्करणको फाइनलमा भने बंगलादेशसँग पराजित भएको थियो ।
